ಹಿರೇಮ್ಯಾಗೇರಿ ಸಂಕನೂರು ಗ್ರಾಮ ಪಂಚಾಯಿತಿ ಕೈ ವಶ

ಯಲಬುರ್ಗಾ: ತಾಲೂಕಿನ ಹಿರೇಮ್ಯಾಗೇರಿ ಹಾಗೂ ಸಂಕನೂರು ಗ್ರಾಮ ಗ್ರಾಮ ಪಂಚಾಯಿತಿಯ ಚುನಾವಣೆಗೆ ಫಲಿತಾಂಶ ಬುಧವಾರ ಹೊರ ಹೊಮ್ಮಿತು.
ಈ ಎರಡು ಗ್ರಾಮ ಪಂಚಾಯಿತಿಯ ಪೈಕಿ ಹಿರೇಮ್ಯಾಗೇರಿ ಗ್ರಾಮ ಪಂಚಾಯಿತಿಯಲ್ಲಿ 13 ಸ್ಥಾನಗಳ ಪೈಕಿ 10 ಜನ ಕಾಂಗ್ರೆಸ್ ಬೆಂಬಲಿತರು ಆಯ್ಕೆಯಾಗಿದ್ದು, ಇನ್ನೂ ಉಳಿದ 3ಜನ ಬಿಜೆಪಿ ಪಕ್ಷದಿಂದ ಆಯ್ಕೆಯಾಗಿದ್ದಾರೆ. ಸಂಕನೂರು ಗ್ರಾಮ ಪಂಚಾಯಿತಿಯಲ್ಲಿ 11 ಸ್ಥಾನಗಳ ಪೈಕಿ 6 ಜನ ಕಾಂಗ್ರೆಸ್ ಬೆಂಬಲಿತವಾಗಿ ಆಯ್ಕೆಗೊಂಡರೆ 5 ಜನ ಬಿಜೆಪಿ ಪಕ್ಷದಿಂದ ಆಯ್ಕೆಗೊಂಡಿದ್ದಾರೆ.
ವಿಜಯೋತ್ಸವ: ಈ ವೇಳೆಯಲ್ಲಿ ಪಟ್ಟಣದ ತಹಸೀಲ್ ಕಚೇರಿಯಲ್ಲಿ ಮುಂಜಾನೆ ಗ್ರಾಮ ಪಂಚಾಯಿತಿ ಸದಸ್ಯರ ಫಲಿತಾಂಶ ಹೊರ ಹೊಮ್ಮುತ್ತಿದ್ದಾರೆ.ಕಾಂಗ್ರೆಸ್ ಪಕ್ಷದ ಮುಖಂಡರು ಪಟಾಕಿ ಸಿಡಿಸಿ ಸಂಭ್ರಮದಿಂದ ವಿಜಯೋತ್ಸವ ಆಚರಣೆ ಮಾಡಿದರು.
ಈ ವೇಳೆಯಲ್ಲಿ ಮುಖಂಡರಾದ ಆನಂದ ಉಳ್ಳಾಗಡ್ಡಿ, ಛತ್ರಪ್ಪ ಛಲವಾದಿ ,ದಸ್ತಗಿರಿಸಾಬ್ ಮ್ಯಾಗೇರಿ,ಖಾಜಾಸಾಬ್ ಅಮರವತಿ, ಅಬ್ದುಲ್ ಖಾದರಸಾಬ್, ಮಲ್ಲು ಜಕ್ಕಲಿ,ಚಂದುಸಾಬ್ ಮದಾರಿ,ಹುಸೇನಸಾಬ್ ಮ್ಯಾಗೇರಿ,ಈರಣ್ಣ ಪೋ.ಪಾಟೀಲ್,ಫಾತಿಮಾ ಖಾಜಾಸಾಬ್ ಅಮರವತಿ,ರಂಜಾನ್ ಮ್ಯಾಗೇರಿ,ಬಸಮ್ಮ ಕಟ್ಟಿಮನಿ,ವಿರೇಶ ಮಳ್ಳಿಕೇರಿ,ಲಕ್ಷ್ಮವ್ವ ಗೋಡಿನಾಳ,ನಾಗವ್ವ ತಳವಾರ ಇನ್ನಿತರರು ಇದ್ದರು.