ಬೆಳೆ ಹಾನಿ ಪರಿಹಾರ, ಸಾಲ ಮನ್ನಾ, ದನ ಕೊಟ್ಟಿಗೆ ನಿರ್ಮಾಣಕ್ಕೆ ಒತ್ತಡ

ಆಳಂದ: ರೈತ ಕಾರ್ಮಿಕ ಪರ ಬೇಡಿಕೆಗಾಗಿ ಕಿಸಾನಸಭಾ ನೇತೃತ್ವದಲ್ಲಿ ಮಟಕಿ ಗ್ರಾಮದಿಂದ ಪಾದಯಾತ್ರೆ ಮೂಲಕ ಆಗಮಿಸಿ ತಾಪಂ ಕಚೇರಿಯ ಮುಂದೆ ಮುಖಂಡರು ಕಾರ್ಯಕರ್ತರು ಬುಧವಾರ ಪ್ರತಿಭಟನಾ ಧರಣಿ ಆರಂಭಿಸಿದರು.

 

ಆಳಂದ: ತಾಲೂಕಿನ ರೈತರು ಮತ್ತು ಕೃಷಿ ಕೂಲಿ ಕಾರ್ಮಿಕರ ಸಮಸ್ಯೆಗಳಿಗೆ ಶೀಘ್ರ ಪರಿಹಾರ ಒದಗಿಸುವಂತೆ ಒತ್ತಾಯಿಸಿ, ಅಖಿಲ ಭಾರತ ಕಿಸಾನ್ ಸಭೆ (ಎಐಕೆಎಸ್) ಮತ್ತು ಭಾರತೀಯ ಖೇತ ಮಜೂರ್ ಯೂನಿಯನ್ (ಖೇತ ಮಜದೂರ್) ಆಶ್ರಯದಲ್ಲಿ ಇಂದು ಬುಧವಾರ ಬೆಳಿಗ್ಗೆ ಮಟಕಿ ಗ್ರಾಮದಿಂದ ಆರಂಭಗೊಂಡ 9 ಕಿಲೋಮೀಟರ್‍ಗಳ ಪಾದಯಾತ್ರೆಯ ಮೂಲಕ ತಾಲೂಕು ಪಂಚಾಯಿತಿ ಕಚೇರಿ ಮುಂದೆ ಅನಿರ್ಧಿμÁ್ಟವಧಿ ಧರಣಿ ಸತ್ಯಾಗ್ರಹ ಆರಂಭಿಸಲಾಯಿತು.

ನಿರಂತರ ಮಳೆಯಿಂದ ಹಾಳಾಗಿರುವ ಬೆಳೆಗಳಿಗೆ ಪರಿಹಾರ, ಬೆಳೆ ವಿಮೆ ಬಿಡುಗಡೆ, ದನದ ಕೊಟ್ಟಿಗೆ ಮತ್ತು ಕುರಿ ದೊಡ್ಡಿ ನಿರ್ಮಾಣ, ರೈತರ ಸಾಲ ಮನ್ನಾ, ಖಜೂರಿ ವಲಯದಲ್ಲಿ 25 ಕಡೆಗಳಲ್ಲಿ ಬ್ರೀಜ್ ಕಂ ಬ್ಯಾರೇಜ್ ನಿರ್ಮಾಣ ಮತ್ತು ‘ನಮ್ಮ ಹೊಲ ನಮ್ಮ ರಸ್ತೆ’ ಕಾಮಗಾರಿಗಳ ಜಾರಿಗೆ ಒತ್ತಡ ಹೇಳುತ್ತಾ, ರೈತರು ತೀವ್ರ ಪ್ರತಿಭಟನೆ ನಡೆಸಿದರು.

ಈ ಆಂದೋಲನಕ್ಕೆ ಸ್ಥಳೀಯ ರೈತ ಸಂಘಟನೆಗಳು ಬೆಂಬಲವನ್ನು ಘೋಷಿಸಿವೆ. ಪಾದಯಾತ್ರೆಯು ಬೆಳಿಗ್ಗೆ 10.30ಕ್ಕೆ ಮಟಕಿ ಗ್ರಾಮದಲ್ಲಿ ಶುರುವಾಗಿ,  100ಕ್ಕೂ ಹೆಚ್ಚು ರೈತರು, ಕೂಲಿ ಕಾರ್ಮಿಕರು ಮತ್ತು ಯುವಕರು ಭಾಗವಹಿಸಿದರು.

“ನಮ್ಮ ಬೆಳೆ ಹಾಳಾಗಿದ್ದು, ಸಾಲದ ಶುಲ್ಕಕ್ಕೆ ತುತ್ತಾಗಿರುವ ರೈತನ ಸಂಕಷ್ಟಕ್ಕೆ ಸರ್ಕಾರ ತೊಡಗಿಸದಿರುವುದು ಕ್ಷಮಿಸಲಾಗದು. ಶೀಘ್ರ ಬೆಳೆ ಹಾನಿ ಪರಿಹಾರ ಮತ್ತು ವಿಮೆ ಬಿಡುಗಡೆ ಮಾಡಬೇಕು” ಎಂದು ಪಾದಯಾತ್ರೆಯಲ್ಲಿ ಮುಂದುಳಿದ ರೈತರು ಕೂಗಾಡಿದರು.

ಪಾದಯಾತ್ರೆಯು ಮಧ್ಯಾಹ್ನ 2.30ಕ್ಕೆ ಆಳಂದ ಪಟ್ಟಣದ ತಾಲೂಕು ಪಂಚಾಯಿತಿ ಕಚೇರಿ ಮುಂದೆ ಸೇರಿತು. ಇಲ್ಲಿ ನಾಯಕರ ಮಾತುಗಳ ನಂತರ ಅನಿರ್ಧಿμÁ್ಟವಧಿ ಧರಣಿ ಸತ್ಯಾಗ್ರಹ ಆರಂಭಗೊಂಡಿತು.

ಧರಣಿ ಸ್ಥಳದಲ್ಲಿ ಮಾತನಾಡಿದ ಎಐಕೆಎಸ್ ರಾಜ್ಯ ಕಾರ್ಯದರ್ಶಿ ಮೌಲಾ ಮುಲ್ಲಾ ಅವರು, “ಆಳಂದ ತಾಲೂಕಿನಲ್ಲಿ ಪ್ರಾರಂಭವಾಗಿ 15 ವರ್ಷಗಳು ಕಳೆದರೂ ದನದ ಕೊಟ್ಟಿಗೆ ಮತ್ತು ಕುರಿ ದೊಡ್ಡಿ ಯೋಜನೆಗಳು ಹೆಸರಿಗೆ ಮಾತ್ರ ಸೀಮಿತವಾಗಿವೆ. ಪ್ರತಿ ವರ್ಷ 30 ಸಾವಿರಕ್ಕೂ ಹೆಚ್ಚು ಕುರಿಮರಿಗಳು ಔಷಧಿ ಮತ್ತು ಆಶ್ರಯದ ಕೊರತೆಯಿಂದ ಸಾಯುತ್ತಿವೆ. ಇದರಿಂದ ಹಾಲು ಉತ್ಪಾದನೆ ಕಡಿಮೆಯಾಗಿ, ರೈತರಿಗೆ 30,000 ಕೋಟಿಗೂ ಹೆಚ್ಚು ನಷ್ಟವಾಗುತ್ತಿದೆ. ಸರ್ಕಾರ ಪ್ರತಿ ಹೋಬಳಿಗೆ ವೈದ್ಯ ಸೇವೆಯ ವ್ಯವಸ್ಥೆ ಮಾಡಬೇಕು” ಎಂದು ಒತ್ತಾಯಿಸಿದರು.

ತಾಲೂಕು ಅಧ್ಯಕ್ಷ ಚಂದ್ರಕಾಂತ ಖೋಬ್ರೆ ಅವರು, “ಖಜೂರಿ ವಲಯದಲ್ಲಿ ಮಟಕಿ, ಖಂಡಾಳ, ಖಜೂರಿ ಸೇರಿ 25 ಕಡೆಗಳಲ್ಲಿ ಬ್ರೀಜ್ ಕಂ ಬ್ಯಾರೇಜ್ ನಿರ್ಮಾಣ ಅಗತ್ಯ. ಇದು ರೈತರಿಗೆ ನೀರು ಸರಬರಾಜು ಮಾಡಿ, ಬೆಳೆ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ. ಆದರೆ ಸರ್ಕಾರ ಇದನ್ನು ನಿರ್ಲಕ್ಷ್ಯ ಮಾಡುತ್ತಿದೆ” ಎಂದು ಟೀಕಿಸಿದರು.

ರೈತರ ಸಾಲ ಮನ್ನಾ ವಿಷಯದಲ್ಲಿ ಬ್ಯಾಂಕ್‍ಗಳು ಮತ್ತು ಮೈಕ್ರೋ ಫೈನಾನ್ಸ್ ಸಂಸ್ಥೆಗಳು ಬಡ್ಡಿ ವಸೂಲಿ ಮಾಡುವುದನ್ನು ಖಂಡಿಸಿ, ರಾಜಶೇಖರ ಬಸ್ಮೆ ಅವರು, “ರೈತರಿಗೆ ನೀಡಿರುವ ಸಾಲವನ್ನು ಒಮ್ಮೆ ಮನ್ನಾ ಮಾಡಿ, ಮುಂದಿನ ಸಾಲಗಳನ್ನು ಬಡ್ಡಿ ರಹಿತವಾಗಿ ನೀಡಬೇಕು. 15 ವರ್ಷಗಳಿಂದ ಕೃಷಿ ಉತ್ಪಾದನೆಗಳ ಬೆಲೆ ಸ್ಥಿರವಾಗಿದ್ದರೆ, ಗೊಬ್ಬರ ಮತ್ತು ಯಂತ್ರೋಪಕರಣಗಳ ಬೆಲೆಗಳು ಏರಿಕೆಯಾಗುತ್ತಿವೆ. ಇದು ರೈತನನ್ನು ಹಾನಿಗೊಳಿಸುತ್ತಿದೆ” ಎಂದು ಹೇಳಿದರು. ಇದೇ ರೀತಿ, ‘ನಮ್ಮ ಹೊಲ ನಮ್ಮ ರಸ್ತೆ’ ಯೋಜನೆಯನ್ನು ಪ್ರತಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಕಾರ್ಯರೂಪದಲ್ಲಿ ಜಾರಿಗೊಳ್ಳಬೇಕು ಎಂದು ಆಶ್ಫಾಕ್ ಮುಲ್ಲಾ ಅವರು ಒತ್ತಿ ಹೇಳಿದರು.

ಪ್ರತಿಭಟನೆಯಲ್ಲಿ ತಡೋಳಾ ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷ ಮೈಲಾರಿ ಜೋಗೆ, ರೈತ ಕಲ್ಯಾಣಿ ಅವುಟೆ, ಗೋವಿಂದ ಗಾಯಕವಾಡ, ಮಹಾದೇವ ಪೂಜಾರಿ (ಮಟಕಿ), ತ್ರೀಮುಖ ಸಿಂಧೆ, ವೆಂಕಟರಾವ್ (ತಡೋಳಾ), ಮನೋಜ ಗಾವಡೆ, ಕಮಲೇಶ ಸಗರ, ಭಗವಾನ ಪಾಟೀಲ, ರತನಚಂದ ಕಲಶೆಟ್ಟಿ, ಸಾತಣ್ಣಾ ಜಮಾದಾರ, ಜನಾಬಾಯಿ ಚವ್ಹಾಣ, ಗುರುಬಾಯಿ ಚವ್ಹಾಣ, ಕಬೀರಾ ಬೇಗಂ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.