ಆಳಂದ: ಪಟ್ಟಣದ ಸರ್ಕಾರಿ ಡಿಗ್ರಿ ಕಾಲೇಜು ವಿದ್ಯಾರ್ಥಿಗಳಿಗೆ ಸ್ಪಧಾತ್ಮಕ ಪರೀಕ್ಷೆ ಪೂರ್ವ ಸಿದ್ಧತೆಗಾಗಿ ನಡೆದ ಮಾದರಿ ಪರೀಕ್ಷೆಯನ್ನು ಪ್ರಾಚಾರ್ಯೆ ಡಾ. ಪ್ರೇಮಿಳಾ ಅಂಬರಾಯ ವೀಕ್ಷಿಸಿದರು.
ಆಳಂದ: ಕಾರ್ಯಾಗಾರ ಉದ್ಘಾಟನೆಯಲ್ಲಿ ಪ್ರಾಚಾರ್ಯೆ ಡಾ. ಪ್ರೇಮಿಳಾ ಅಂಬರಾಯ ಹಾಗೂ ಸಂಪನ್ಮೂಲ ಉಪನ್ಯಾಸಕರು ಇದ್ದರು.
ಆಳಂದ: ರಾಜ್ಯದ ರಾಜ್ಯದಾನಿ ಬೆಂಗಳೂರಿನಿಂದ ದೂರದ ಗ್ರಾಮೀಣ ಭಾಗದಲ್ಲಿ ಇರುವ ಕಲಬುರಗಿ ಜಿಲ್ಲೆಯ ಆಳಂದ ಪಟ್ಟಣದಲ್ಲಿರುವ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಇಂದು ಸ್ಪರ್ಧಾತ್ಮಕ ಪರೀಕ್ಷೆಗಳ ಪೂರ್ವಸಿದ್ಧತೆಯಲ್ಲಿ ಒಂದು ಮಾದರಿ ಸಂಸ್ಥೆಯಾಗಿ ಹೊಳೆಯುತ್ತಿದೆ.
ನೆಟ್ಸೆಟ್ ಅಥವಾ ಎನ್ಟಿಎ ಮಾದರಿಯ ಇನ್ಯಾವುದೇ ಸರ್ಕಾರಿ ಉದ್ಯೋಗದ ಸ್ಪಧಾತ್ಮಕ ಪರೀಕ್ಷೆಯ ಪೂರ್ವ ಸಿದ್ಧತೆಯಾಗಿ ನಡೆಸುತ್ತಿರುವ ಕಾರ್ಯಗಾರಗಳ ಮೂಲಕ ವಿದ್ಯಾರ್ಥಿಗಳನ್ನು ಸಶಕ್ತಗೊಳಿಸುವ ಈ ಕಾರ್ಯಕ್ರಮವು ಕೇವಲ ತರಬೇತಿಯನ್ನು ಮೀರಿ, ಅವರ ಭವಿಷ್ಯದ ಕನಸುಗಳನ್ನು ನೆರವೇರಿಸುವ ಒಂದು ಸಾಮಾಜಿಕ ಚಳವಳಿಯಂತಾಗಿ ಬದಲಾಗಿದೆ.
ಪ್ರಾಚಾರ್ಯ ಪ್ರೇಮಿಗಳ ಅಂಬರಾಯ ಅವರ ನೇತೃತ್ವದಲ್ಲಿ ಈ ಕಾಲೇಜು ಎರಡು ವರ್ಷಗಳಿಂದ ನಡೆಸುತ್ತಿರುವ ಈ ಉಪಕ್ರಮವು ಗ್ರಾಮೀಣ ಯುವಕರಿಗೆ ಸರ್ಕಾರಿ ಉದ್ಯೋಗಗಳ ಬಾಗಿಲು ತೆರೆಯುವಲ್ಲಿ ಮಹತ್ವದ ಪಾತ್ರ ವಹಿಸುತ್ತಿದೆ.
ಕಾಲೇಜಿನಲ್ಲಿ ನೇಮಕಗೊಂಡಿರುವ ಎಂಟು ಅತಿಥಿ ಶಿಕ್ಷಕರು ಈ ಕಾರ್ಯಕ್ರಮದ ಮುಖ್ಯ ಚಾಲಕಶಕ್ತಿಯಾಗಿದ್ದಾರೆ. ಅವರು ಸ್ವಯಂಪ್ರೇರಿತರಾಗಿ, ತಮ್ಮ ವೈಯಕ್ತಿಕ ಸಮಯವನ್ನು ಬಿಟ್ಟು, ಕಾಲೇಜು ರೆಜ್ಜೆ ಅವಧಿಯಲ್ಲಿ ವಿದ್ಯಾರ್ಥಿಗಳಿಗೆ ವಾರಾಂತ್ಯ ತರಬೇತಿ ನೀಡುತ್ತಿದ್ದಾರೆ. “ಇದು ನಮ್ಮ ಕರ್ತವ್ಯಕ್ಕಿಂತಲೂ ಹೆಚ್ಚು; ಇದು ನಮ್ಮ ಗ್ರಾಮದ ಯುವಕರಿಗೆ ಒಂದು ಭವಿಷ್ಯದ ಉಡುಗೊರೆ” ಎಂದು ಅತಿಥಿ ಶಿಕ್ಷಕರಲ್ಲಿ ಒಬ್ಬರಾದ ಡಾ. ಮಹಾದೇವ ಮೋಘಾ ಅವರು ತಿಳಿಸಿದ್ದಾರೆ.
ಈ ತರಬೇತಿಯಲ್ಲಿ ಸಾಮಾನ್ಯ ಜ್ಞಾನ, ಅನ್ವಯಿಕ ಪ್ರಶ್ನೆಗಳು, ಲಿಖಿತ ಪರೀಕ್ಷೆಗಳ ಮಾದರಿ ಮತ್ತು ಸಂದರ್ಶನ ತಂತ್ರಗಳು ಸೇರಿವೆ. ವಿದ್ಯಾರ್ಥಿಗಳು ಆನ್ಲೈನ್ ಮತ್ತು ಆಫ್ಲೈನ್ ಮೂಲಕ ನಡೆಯುವ ಪರೀಕ್ಷೆಗಳಲ್ಲಿ ಭಾಗವಹಿಸಿ, ಅತ್ಯಧಿಕ ಅಂಕಗಳಿಸಿದವರಿಗೆ ಪ್ರಮಾಣಪತ್ರಗಳು ಮತ್ತು ನಗದು ಬಹುಮಾನಗಳನ್ನು ನೀಡಲಾಗುತ್ತದೆ.
ಈ ಕಾರ್ಯಕ್ರಮದ ಆರಂಭವು ಎರಡು ವರ್ಷಗಳ ಹಿಂದಿನದು. ಕೋವಿಡ್ ಸಾಂಕ್ರಾಮಿಕತೆಯ ಸಮಯದಲ್ಲಿ ಆನ್ಲೈನ್ ಮೂಲಕ ಶುರುಮಾಡಿದ ಈ ಉಪಕ್ರಮವು ಇಂದು ಸಂಕೀರ್ಣ ಸ್ಥಿತಿಗೆ ಬಂದುಹಿಡಿದಿದೆ.
ಕಾಲೇಜಿನಲ್ಲಿ ನೂರಾರು ವಿದ್ಯಾರ್ಥಿಗಳು ಈ ತರಬೇತಿಯಲ್ಲಿ ಭಾಗವಹಿಸುತ್ತಿದ್ದಾರೆ, ಅರ್ಧಕ್ಕಿಂತಲೂ ಹೆಚ್ಚು ಮಹಿಳಾ ವಿದ್ಯಾರ್ಥಿನಿಯರು ಸೇರಿವೆ. “ನಮ್ಮ ಗ್ರಾಮದಲ್ಲಿ ಸರ್ಕಾರಿ ಉದ್ಯೋಗಗಳ ಬಗ್ಗೆ ಕನಸು ಕಾಣುವುದು ಕಷ್ಟ; ಆದರೆ ಈ ಕಾರ್ಯಗಾರಗಳು ನಮಗೆ ಆತ್ಮವಿಶ್ವಾಸ ನೀಡಿವೆ” ಎಂದು ಮೂರನೇ ವರ್ಷದ ವಿದ್ಯಾರ್ಥಿನಿಯೋರ್ವಳು ಅನುಭವ ಹಂಚಿಕೊಂಡರು.
ಈಗಾಗಲೇ 100ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಈ ತರಬೇತಿಯಿಂದ ಪ್ರಯೋಜನ ಪಡೆದು, ಸ್ಥಳೀಯ ಮತ್ತು ರಾಜ್ಯ ಮಟ್ಟದ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಯಶಸ್ವಿಯಾಗಿ, ಹಲವರು ಉದ್ಯೋಗಗಳನ್ನು ಖಚಿತಪಡಿಸಿಕೊಂಡಿದ್ದಾರೆ.
ಇದನ್ನು ಮನಗಂಡ ಪ್ರಾಚಾರ್ಯ ಪ್ರೇಮಿಗಳ ಅಂಬರಾಯ ಅವರು ಈ ಉಪಕ್ರಮದ ಮೂಲಭೂತ ಶಕ್ತಿಯಾಗಿ ನಿಂತುಕೊಂಡು ಕಳೆದೆರಡು ವರ್ಷಗಳಿಂದ ಪ್ರಥಮ ವರ್ಷಕ್ಕೆ ಪ್ರವೇಶ ಪಡೆಯುವ ವಿದ್ಯಾರ್ಥಿಗಳಿಗೂ ಈ ಕಾರ್ಯಗಾರದಲ್ಲಿ ಪಾಲ್ಗೊಳ್ಳಲು ಅವಕಾಶ ಮಾಡಿಕೊಟ್ಟು ಅವರಲ್ಲಿ ಸಾಮಥ್ರ್ಯ ಇನ್ನಷ್ಟು ವೃದ್ಧಿಗೆ ಸಹಕಾರಿಯನ್ನಾಗಿಸಿದ್ದಾರೆ.
ಪ್ರಚಾರ್ಯ ಪ್ರೇಮಿಳಾ ಅಂಬರಾಯ ಅವರು “ಇದು ಕೇವಲ ಪರೀಕ್ಷೆಯ ಸಿದ್ಧತೆಯಲ್ಲ; ಇದು ನಮ್ಮ ವಿದ್ಯಾರ್ಥಿಗಳಲ್ಲಿ ಸ್ಪರ್ಧಾತ್ಮಕ ಚಿಂತನೆ ಮತ್ತು ಜೀವನದ ತಯಾರಿಯಾಗಿದೆ. ಅತಿಥಿ ಶಿಕ್ಷಕರ ಸ್ವಯಂಪ್ರಯತ್ನವು ನಮ್ಮ ಕಾಲೇಜಿನ ಗೌರವವಾಗಿದೆ” ಎಂದು ಅವರು ಭೇಟಿ ಮಾಡಿದ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ ಹೇಳಿದರು. ತಾಲೂಕಿನಲ್ಲಿರುವ ಎಲ್ಲಾ ಡಿಗ್ರಿ ಕಾಲೇಜುಗಳ ವಿದ್ಯಾರ್ಥಿಗಳಿಗಾಗಿ ಬರುವ ದಿನಗಳಲ್ಲಿ ಸ್ಪಧಾತ್ಮಕ ಪರೀಕ್ಷೆಯ ಪೂರ್ವ ಸಿದ್ಧತೆಯ ಒಂದುವಾರದ ತಾಲೂಕು ಕಟ್ಟದ ಕಾರ್ಯಾಗಾರವನ್ನು ನಡೆಸುವ ಉದ್ದೇಶ ಹೊಂದಲಾಗಿದೆ ಎಂದು ಅವರ ಮುಂದಾಲೋಚನೆಯನ್ನು ಹೇಳಿಕೊಂಡಿದ್ದಾರೆ.
ಡಾ. ಪ್ರೇಮಿಳಾ ಅವರ ನಾಯಕತ್ವದಲ್ಲಿ ಕಾಲೇಜು ಇತರ ಶೈಕ್ಷಣಿಕ ಕಾರ್ಯಕ್ರಮಗಳೊಂದಿಗೆ ಜೊತೆಯಾಗಿ, ಸಾಮಾಜಿಕ ಜವಾಬ್ದಾರಿ ತೋರುತ್ತಿದೆ. ಈ ಕಾರ್ಯಗಾರಗಳು ಗ್ರಾಮೀಣ ಭಾರತದಲ್ಲಿ ಉನ್ನತ ಶಿಕ್ಷಣದ ಗುಣಮಟ್ಟವನ್ನು ಏರಿಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತಿವೆ ಎಂದು ಶಿಕ್ಷಣತಜ್ಞರು ಶ್ಲಾಘಿಸಿದ್ದಾರೆ.
ಈ ಮಾದರಿ ಕಾರ್ಯಗಾರವು ಇತರ ಕಾಲೇಜುಗಳಿಗೂ ಪ್ರೇರಣೆಯಾಗಿದೆ. ಆಳಂದದಂತಹ ದೂರದ ಗ್ರಾಮಗಳಲ್ಲಿ ಸಂಪನ್ಮೂಲಗಳ ಕೊರತೆ ಇರುವಾಗಲೂ, ಶಿಕ್ಷಕರ ಸ್ವಯಂಪ್ರಯತ್ನ ಮತ್ತು ನಾಯಕತ್ವದ ಮೂಲಕ ಬದಲಾವಣೆ ಸಾಧ್ಯ ಎಂಬುದನ್ನು ಇದು ಸಾಬೀತುಪಡಿಸಿದೆ.
ಭವಿಷ್ಯದಲ್ಲಿ ಈ ಕಾರ್ಯಕ್ರಮವನ್ನು ವಿಸ್ತರಿಸಿ, ಹೆಚ್ಚಿನ ವಿದ್ಯಾರ್ಥಿಗಳನ್ನು ಸೇರಿಸುವ ಯೋಜನೆಯಿದೆ ಎಂದು ಕಾಲೇಜು ಮೂಲಗಳು ತಿಳಿಸಿವೆ. ಆಳಂದ ಸರ್ಕಾರಿ ಕಾಲೇಜು ಇಂದು ಕೇವಲ ಒಂದು ಶೈಕ್ಷಣಿಕ ಸಂಸ್ಥೆಯಲ್ಲ; ಇದು ಗ್ರಾಮೀಣ ಯುವಕರ ಕನಸುಗಳ ಗುರುಕುಲವಾಗಿ ಬದಲಾಗಿದೆ.
ಈ ಕಾರ್ಯಾಗಾರದದಲ್ಲಿ
ಸಾಮಥ್ರ್ಯ ವೃದ್ಧಿ ಉಪನ್ಯಾಸಕ ಡಾ. ಮಹಾದೇವ ಮೋಘಾ, ವಿಜ್ಞಾನ ಕುರಿತು ಡಾ. ಶಿವಶಂಕರಯ್ಯಾ, ಸಾಮಾನ್ಯ ಜ್ಞಾನ ಡಾ. ರಾಜಶೇಖರ ಪಾಟೀಲ, ಪ್ರಚಲಿತ ವಿಷಯದ ಕುರಿತು ಡಾ. ಸುಭಾಶ್ಚಂದ್ರ, ಇತಿಹಾಸ ವಿಷಯ ಡಾ.ಶಿವಪ್ಪ ಭೂಸನೂರ, ಅಂಕ ಅಂಶಗಳ ಕುರಿತು ಡಾ. ಜ್ಯೋತಿ ಜಾಧವ, ಗಣಿತ ಪರಿಣಿತ ಶರಣಪ್ಪ ಕೊಂಚೆ ಮತ್ತು ಶಿವರಾಜ ಸಾಹು ಉಪನ್ಯಾಸ ನೀಡಿದರೆ ಇದಕ್ಕೆ ಬೆನ್ನೆಲುಬಾಗಿ ಪ್ರಾಚಾರ್ಯೆ ಡಾ. ಪ್ರೇಮಿಳಾ ಅಂಬರಾಯ, ಕಾರ್ಯಾಗಾರ ಸಂಯೋಜಕ ಡಾ. ಅರವಿಂದ ಭದ್ರಶೆಟ್ಟಿ, ಕಚೇರಿಯ ನಿರೀಕ್ಷಿ ರಾಜರೆಡ್ಡಿ, ಶರಣು ಬಾವಿ, ಎಫ್ಡಿಸಿ ಶಾಂತಪ್ಪಾ ಪಾಟೀಲ ಅವರುಗಳು ಕಾರ್ಯಾಗಾರದ ಯಶಸ್ವಿಗೆ ಸಾಥ ನೀಡಿದ್ದಾರೆ.
Comments are closed.