ಕಬ್ಬು ಬೆಳೆಗಾರರ ಒತ್ತಡ ನಡುವೆ ಎನ್‌ಎಸ್‌ಎಲ್ ಸಕ್ಕರೆ ಕಾರ್ಖಾನೆ ಆರಂಭ

ಆಳಂದ: ಭೂಸನೂರ ಗ್ರಾಮದ ಬಳಿಯ ಎನ್‌ಎಸ್‌ಎಲ್‌ಸಕ್ಕರೆ ಕಾರ್ಖಾನೆ ಆರಂಭಗೊAಡಿದೆ.

ಆಳಂದ: ಜಿಲ್ಲೆಯ ಕಬ್ಬು ಬೆಳೆಗಾರರ ೩,೩೦೦ ರೂಪಾಯಿ ದರ ನಿಗದಿ ಬೇಡಿಕೆಯ ನಡುವೆ ಭೂಸನೂರು ಬಳಿಯ ಎನ್‌ಎಸ್‌ಎಲ್ ಸಕ್ಕರೆ ಕಾರ್ಖಾನೆಯ ಮಂಗಳವಾರ ಕಬ್ಬು ನೂರಿಸುವ ಕಾರ್ಯ ಆರಂಭಗೊಳಿಸಿದೆ.
ಜಿಲ್ಲಾಡಳಿತದ ಮಧ್ಯಸ್ಥಿಕೆಯಿಂದ ತಾತ್ಕಾಲಿಕ ಒಪ್ಪಂದ ಆಗಿದ್ದು, ಕಾರ್ಖಾನೆಯು ಮಂಗಳವಾರದAದು ಕಬ್ಕು ನುರಿಯುವ ಕಾರ್ಯಾರಂಭ ಗೊಂಡಿದೆ. ಪ್ರತಿ ಟನ್ ಕಬ್ಬಿಗೆ ಮೊದಲ ಕಂತಿನಲ್ಲಿ ೨,೯೦೦ ರೂಪಾಯಿಗಳನ್ನು ನೇರವಾಗಿ ಪಾವತಿಸಿ, ಎರಡನೇ ಕಂತಿನಲ್ಲಿ ಸರ್ಕಾರದಿಂದ ೫೦ ರೂ. ಮತ್ತು ಕಾರ್ಖಾನೆಯಿಂದ ೫೦ ರೂ. ಸೇರಿಸಿ ಒಟ್ಟು ೩,೦೦೦ ರೂಪಾಯಿ ಭದ್ರತೆ ನೀಡುವುದಾಗಿ ಕಾರ್ಖಾನೆಯ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ಕಳೆದ ಸಾಲಿನಲ್ಲಿ ೨,೭೦೦ ರೂಪಾಯಿ ದರ ನೀಡಲಾಗಿತ್ತು ಎಂಬುದರ ಆಧಾರದಲ್ಲಿ ಈ ಬಾರಿ ೩೦೦ ರೂಪಾಯಿ ಹೆಚ್ಚಿಸಿ ೩,೦೦೦ ರೂಪಾಯಿ ದರ ನಿಗದಿ ಮಾಡಲಾಗಿದ್ದು, ಜಿಲ್ಲಾಡಳಿತವು ಎಲ್ಲಾ ರೈತರಿಗೂ ಈ ಕಾರ್ಖಾನೆಗೆ ಹೆಚ್ಚಿನ ಕಬ್ಬು ಸರಬರಾಜು ಮಾಡುವಂತೆ ಸಹಕರಿಸುವಂತೆ ಕೇಳಿಕೊಂಡಿದೆ.
ಭೂಸನೂರು ಸಹಕಾರಿ ಸಕ್ಕರೆ ಕಾರ್ಖಾನೆಯನ್ನು ಗುತ್ತಿಗೆಯ ಮೇಲೆ ಪಡೆದಿರುವ ಎನ್‌ಎಸ್‌ಎಲ್ ಸಕ್ಕರೆ ಕಾರ್ಖಾನೆಯು ಪ್ರಸ್ತುತ ಸಾಲಿನಲ್ಲಿ ಅಫಜಲಪೂರ, ಆಳಂದ ಮತ್ತು ಕಲಬುರಗಿ ತಾಲೂಕುಗಳಿಂದ ಸುಮಾರು ೧೦ ಲಕ್ಷ ಮೆಟ್ರಿಕ್ ಟನ್ ಕಬ್ಬು ನುರಿಯುವ ಗುರಿ ಹೊಂದಿದೆ. ಕಳೆದ ಸಾಲಿನಲ್ಲಿ ೭.೨೭ ಲಕ್ಷ ಮೆಟ್ರಿಕ್ ಟನ್ ಕಬ್ಬು ನುರಿಸಲಾಗಿತ್ತು ಎಂಬುದು ಈ ಗುರಿಯ ಸಾಧ್ಯತೆಯನ್ನು ತೋರಿಸುತ್ತದೆ. “ಎಲ್ಲಾ ರೈತರು ಜಿಲ್ಲಾಡಳಿತದ ಆದೇಶದಂತೆ ನಡೆದುಕೊಂಡು ಹೆಚ್ಚಿನ ಕಬ್ಬು ಎನ್‌ಎಸ್‌ಎಲ್ ಕಾರ್ಖಾನೆಗೆ ಸರಬರಾಜು ಮಾಡಿ ಸಹಕರಿಸಬೇಕು. ಇದರಿಂದ ರೈತರಿಗೆ ಸಮಯಕ್ಕೆ ಪಾವತಿ ಖಚಿತವಾಗುತ್ತದೆ ಮತ್ತು ಸಾಲಿನ ಉತ್ಪಾದನೆಯೂ ಹೆಚ್ಚಾಗುತ್ತದೆ” ಜಿಲ್ಲಾ ಕಬ್ಬು ಅಧಿಕಾರಿಗಳು ವಿಶ್ವಾಸವಾಗಿದೆ.
ಈ ನಡುವೆ, ಕಬ್ಬು ಬೆಳೆಗಾರರಿಂದ ನಡೆದ ಹಗ್ಗ ಜಗ್ಗಾಟ ಮತ್ತು ಒತ್ತಡಗಳು ಕಾರ್ಖಾನೆಯ ಆರಂಭವನ್ನು ವಿಳಂಬಗೊಳಿಸಿದ್ದವು.
ಎನ್‌ಎಸ್‌ಎಲ್‌ಗೆ ಮೂರು ರೀತಿಯ ಒತ್ತಡ ಹೇರಲ್ಪಟ್ಟಿತು. ಒಂದು ವೇಳೆ ಬಿಜೆಪಿಯ ಮಾಜಿ ಶಾಸಕ ಸುಭಾಷ್ ಗುತ್ತೇದಾರ್ ನೇತೃತ್ವದ ಕಬ್ಬು ಬೆಳೆಗಾರರ ನಿಯೋಗವು ಎನ್‌ಎಸ್‌ಎಲ್ ಕಾರ್ಖಾನೆಯ ಆಡಳಿತ ಮಂಡಳಿಯ ಮೇಲೆ ಒತ್ತಡ ಹೇರಿ, ಸರ್ಕಾರದ ಘೋಷಣೆಯಂತೆ ಪ್ರತಿ ಟನ್‌ಗೆ ೩,೫೦೦ ರೂಪಾಯಿ ದರ ನಿಗದಿ ಮಾಡಬೇಕು ಎಂದು ಆಗ್ರಹಿಸಿತು. ಇತ್ತ ಇನ್ನೊಂದು ವೇಳೆ ಕರ್ನಾಟಕ ಮಿಲ್ಕ್ ಫೆಡರೇಷನ್ (ಕೆಎಂಎಫ್) ಅಧ್ಯಕ್ಷ ಆರ್.ಕೆ. ಪಾಟೀಲ ಅವರ ನೇತೃತ್ವದ ನಿಯೋಗವು ಸಹಕಾರಿ ಸಕ್ಕರೆ ಕಾರ್ಖಾನೆಯ ಆಡಳಿತ ಮಂಡಳಿಯ ಮೇಲೆ ಒತ್ತಡ ಹೇರಿ ಹೆಚ್ಚುಕಡಿಮೆ ಅದೇ ಬೇಡಿಕೆಯನ್ನು ಮಂಡಿಸಿತು. ಈ ನಡುವೆ ಸೋಮವಾರ ಎನ್‌ಎಸ್‌ಎಲ್ ಕಾರ್ಖಾನೆ ಮುಂದೆ ಪ್ರತಿಭಟನೆ ನಡೆಸಿದ ಶ್ರಮಜೀವಿಗಳ ವೇದಿಕೆಯ ಅಧ್ಯಕ್ಷ ಚಂದ್ರಶೇಖರ ಹರೇಮಠ ನೇತೃತ್ವದಲ್ಲಿ ಹಾಗೂ ಕಬ್ಬು ಬೆಳೆಗಾರರ ಸಂಘಟನೆಗಳು ಸಹ ಈ ಒತ್ತಡಕ್ಕೆ ಯೋಗದಾನವು ನೀಡಿದವು.
ಈ ಒಟ್ಟಾರೆ ಒತ್ತಡಗಳ ನಡುವೆಯೂ ಜಿಲ್ಲಾಡಳಿತದ ಮಧ್ಯಸ್ಥಿಕೆಯಿಂದ ಹಿಂದೆ ನಡೆದ ಸಭೆಯಲ್ಲಿ ತಾತ್ಕಾಲಿಕ ಒಪ್ಪಂದ ಆಗಿದ್ದು, ಕಾರ್ಖಾನೆಗಳು ಮೊದಲ ಕಂತಿನಲ್ಲಿ ೨,೯೦೦ ರೂಪಾಯಿ ನೀಡಿ, ಎರಡನೇ ಕಂತಿನಲ್ಲಿ ಕಾರ್ಖಾನೆಯಿಂದ ೫೦ ರೂಪಾಯಿ ಹಾಗೂ ಸರ್ಕಾರದಿಂದ ೫೦ ರೂಪಾಯಿ ಸೇರಿಸಿ ೧೦೦ ರೂಪಾಯಿ ನೀಡುವ ಚಿಂತನೆ ನಡೆದಿದೆ. “ಈ ಒಪ್ಪಂದವು ರೈತರ ಹಿತವನ್ನು ರಕ್ಷಿಸುವ ತಾತ್ಕಾಲಿಕ ಕ್ರಮ. ಸರ್ಕಾರದ ಘೋಷಣೆಯಂತೆ ೩,೫೦೦ ರೂಪಾಯಿ ದರಕ್ಕೆ ಸಂಬAಧಿಸಿದAತೆ ಇನ್ನೂ ಚರ್ಚೆಗಳು ನಡೆಯುತ್ತವೆ” ನಿನ್ನೆಯೂ ಸೋಮವಾರ ಕಬ್ಬು ಬೆಳೆಗಾರರೊಂದಿಗೆ ಜಿಲ್ಲಾಡಳಿತ ಈ ಸಭೆಯ ನಡೆಸಿದೆ. ಹಿಂದಿನ ಒಪ್ಪಂದದಿAದ ಕಾರ್ಖಾನೆಯ ಆರಂಭಕ್ಕೆ ಹಸಿರು ಸಿಗ್ನಲ್ ಸಿಕ್ಕಿದ್ದು, ಸುಮಾರು ೧೦ ಲಕ್ಷ ಮೆಟ್ರಿಕ್ ಟನ್ ಕಬ್ಬು ನುರಿಯುವ ಗುರಿಯನ್ನು ಸಾಧಿ ಗುರಿಯನಿಟ್ಟುಕೊಂಡು ಎನ್‌ಎಸ್‌ಎಲ್ ಮಂಗಳವಾರ ಕಾರ್ಖಾನೆ ಕಬ್ಬು ನುರಿಸುವ ಕಾರ್ಯವನ್ನು ಆರಂಭಿಸಿದೆ ಎಂದು ಮೂಲಗಳು ಹೇಳಿಕೊಂಡಿವೆ.
ಜಿಲ್ಲೆಯಲ್ಲಿ ಕಬ್ಬು ತೀವ್ರಗತಿಯಲ್ಲಿದ್ದು, ರೈತರು ತಮ್ಮ ಉತ್ಪಾದಿತ ಕಬ್ಬನ್ನು ಸರಿಯಾದ ದರದಲ್ಲಿ ಮಾರಾಟ ಮಾಡುವ ನಿರೀಕ್ಷೆಯಲ್ಲಿದ್ದಾರೆ. ಎನ್‌ಎಸ್‌ಎಲ್ ಕಾರ್ಖಾನೆಯ ಆರಂಭವು ಈ ನಿರೀಕ್ಷೆಯನ್ನು ನೆರವೇರಿಸುವ ಮೊದಲ ಹಂತವಾಗಿದ್ದು, ಜಿಲ್ಲಾಡಳಿತವು ರೈತರ ಸಮಸ್ಯೆಗಳನ್ನು ಬಗೆಹರಿಸಲು ಮುಂದಾಗಿದೆ