ಚಿಂಚೋಳಿ: ಈಶಾನ್ಯ ಕರ್ನಾಟಕ ಶಿಕ್ಷಕರ ಮತಕ್ಷೇತ್ರದ ಚುನಾವಣೆಯು ಮಂಗಳವಾರ ತಾಲೂಕಿನಾದ್ಯಂತ ಅತ್ಯಂತ ಶಾಂತಿಯುತವಾಗಿ ಹಾಗೂ ಪ್ರಜಾಸತ್ತಾತ್ಮಕವಾಗಿ ಜರುಗಿದ್ದು, ಒಟ್ಟಾರೆ ಶೇಕಡಾ 90.44 ರಷ್ಟು ದಾಖಲೆಯ ಮತದಾನವಾಗಿದೆ ಎಂದು ತಾಲೂಕು ತಹಸೀಲ್ದಾರ್ ಸುಬ್ಬಣ್ಣ ಜಮಖಂಡಿ ಅವರು ತಿಳಿಸಿದ್ದಾರೆ.ಶಿಕ್ಷಕ ಮತದಾರರು ಬೆಳಿಗ್ಗೆಯಿಂದಲೇ ಅತ್ಯಂತ ಉತ್ಸಾಹದಿಂದ ಮತಗಟ್ಟೆಗಳತ್ತ ಆಗಮಿಸಿ ಸಾಲಿನಲ್ಲಿ ನಿಂತು ತಮ್ಮ ಹಕ್ಕು ಚಲಾಯಿಸಿದರು. ಚುನಾವಣಾ ಪ್ರಕ್ರಿಯೆಯನ್ನು ಸುಗಮವಾಗಿ ನಡೆಸಲು ತಾಲೂಕಿನಾದ್ಯಂತ ಒಟ್ಟು ಮೂರು ಪ್ರಮುಖ
ಚಿಂಚೋಳಿ ತಾಲೂಕಿನಲ್ಲಿ ಒಟ್ಟು 450 ನೋಂದಾಯಿತ ಶಿಕ್ಷಕ ಮತದಾರರಿದ್ದು, ಈ ಪೈಕಿ 407 ಶಿಕ್ಷಕರು ಮತದಾನ ಮಾಡಿದ್ದಾರೆ. ಮತ ಚಲಾಯಿಸಿದವರಲ್ಲಿ 281 ಪುರುಷ ಹಾಗೂ 126 ಮಹಿಳಾ ಮತದಾರರು ಸೇರಿದ್ದಾರೆ.
ಚಿಂಚೋಳಿ ಮತಗಟ್ಟೆ (ಸಂಖ್ಯೆ 96):
ಇಲ್ಲಿ ಒಟ್ಟು 205 ಶಿಕ್ಷಕರು ಹಕ್ಕು ಚಲಾಯಿಸಿದ್ದು, ಅವರಲ್ಲಿ 131 ಪುರುಷ ಹಾಗೂ 74 ಮಹಿಳಾ ಮತದಾರರು ಸೇರಿದ್ದಾರೆ.ಐನಾಪುರ ಮತಗಟ್ಟೆ (ಸಂಖ್ಯೆ 97):ಇಲ್ಲಿ ಒಟ್ಟು 96 ಮತದಾರರು ಪಾಲ್ಗೊಂಡಿದ್ದು, 73 ಪುರುಷ ಹಾಗೂ 23 ಮಹಿಳಾ ಶಿಕ್ಷಕರು ಮತ ಚಲಾಯಿಸಿದ್ದಾರೆ.ಸುಲೇಪೇಟ ಮತಗಟ್ಟೆ (ಸಂಖ್ಯೆ 98):
ಇಲ್ಲಿ ಒಟ್ಟು 106 ಮತಗಳು ಬಿದ್ದಿದ್ದು, ಅದರಲ್ಲಿ 77 ಪುರುಷರು ಹಾಗೂ 29 ಮಹಿಳೆಯರು ಮತದಾನ ಮಾಡಿದ್ದಾರೆ.
ಯಾವುದೇ ಅಹಿತಕರ ಘಟನೆಗಳಿಗೆ ಆಸ್ಪದ ನೀಡದಂತೆ ಸೂಕ್ತ ಬಂದೋಬಸ್ತ್ ಮಾಡಲಾಗಿದ್ದು, ಇಡೀ ಪ್ರಕ್ರಿಯೆ ಶಾಂತಿಯುತವಾಗಿ ಮುಕ್ತಾಯಗೊಂಡಿದೆ.
