ಎಸ್‍ಆರ್‍ಜಿ ಆಂಗ್ಲ್ ಮಾಧ್ಯಮ ಶಾಲೆಯಲ್ಲಿ ಅಬ್ಯಾಕಸ್ ಮತ್ತು ವೇದಿಕ ಗಣಿತ ಪ್ರದರ್ಶನ

ಆಳಂದ ಪಟ್ಟಣದ ಎಸ್‍ಆರ್‍ಜಿ ಆಂಗ್ಲ್ ಮಾಧ್ಯಮ ಶಾಲೆಯಲ್ಲಿ ಹಮ್ಮಿಕೊಂಡಿದ್ದ ಅಬ್ಯಾಕಸ್ ಮತ್ತು ವೇದಿಕ ಗಣಿತ ಪ್ರದರ್ಶನದಲ್ಲಿ ವಿದ್ಯಾರ್ಥಿಗಳು ಪ್ರಾತ್ಯಕ್ಷಿಕೆ ಪ್ರದರ್ಶಿಸಿದರು. ಪಾಲಕರು ವೀಕ್ಷಿಸಿದರು.

ಗಣಿತವು ಅತ್ಯಂತ ಮನೋರಂಜಕವಾಗಿ ಕಲಿಯಬೇಕಾದ ವಿಷಯವಾಗಿದ್ದು ವಿದ್ಯಾರ್ಥಿಗಳಿಗೆ ಆಸಕ್ತಿಯಿಂದ ಕಲಿಸಿದರೆ ಅವರು ಉತ್ತಮ ಗಣಿತದ ಸಾಮಥ್ರ್ಯವನ್ನು ಸಾಧಿಸಬಹುದು ಎಂದು ಕಲಬುರಗಿಯ ಎಸಆರ್‍ಜೆ ಗ್ರೂಪ್ ಆಫ್ ಇನ್ಸ್‍ಟ್ಯೂಟ್‍ನ ಮುಖ್ಯಸ್ಥೆ ಸುಪ್ರಿಯಾ ಜೋಶಿ ಅಭಿಪ್ರಾಯಪಟ್ಟರು.

ಮಂಗಳವಾರ ಆಳಂದ ಪಟ್ಟಣದ ಎಸ್‍ಆರ್‍ಜಿ ಆಂಗ್ಲ್ ಮಾಧ್ಯಮ ಶಾಲೆಯಲ್ಲಿ ಹಮ್ಮಿಕೊಂಡಿದ್ದ ಅಬ್ಯಾಕಸ್ ಮತ್ತು ವೇದಿಕ ಗಣಿತ ಪ್ರದರ್ಶನ ಉದ್ಘಾಟಿಸಿ ಮಾತನಾಡಿದರು. ಪ್ರದರ್ಶನ ಕಾರ್ಯಕ್ರಮದ ಮುಖ್ಯ ಉದ್ದೇಶ ಮಕ್ಕಳಿಗೆ ಗಣಿತವನ್ನು ನಿಭಾಯಿಸುವ ವಿಭಿನ್ನ ಹಾಗೂ ಸುಲಭ ವಿಧಾನಗಳನ್ನು ಪರಿಚಯಿಸುವುದು, ಮತ್ತು ಗಣಿತದ ಮೇಲೆ ಆಸಕ್ತಿ ಬೆಳೆಸುವದಾಗಿದೆ ಎಂದರು.
ಶಾಲೆಯ ಪ್ರಾಚಾರ್ಯೆ ಜ್ಯೋತಿ ವಿಶಾಖ್ ಅವರು ಮಾತನಾಡಿ, ಮಕ್ಕಳಲ್ಲಿ ಗಣಿತದ ಭಯವನ್ನು ದೂರಮಾಡುವ ಹಾಗೂ ಸಂವೇದನಾಶೀಲ ಉಪಾಯಗಳ ಅಗತ್ಯತೆಯನ್ನು ವಿವರಿಸಿದರು.
ಅಬ್ಯಾಕಸ್ ವಿಭಾಗದಲ್ಲಿ, ವಿದ್ಯಾರ್ಥಿಗಳು ಅಬ್ಯಾಕಸ್ ಉಪಕರಣದ ಸಹಾಯದಿಂದ ಸಂಕಲನ, ವ್ಯವಕಲನ, ಗುಣಾಕಾರ, ಭಾಗಾಕಾರ ಮುಂತಾದ ಲೆಕ್ಕಗಳನ್ನು ಅತ್ಯಂತ ವೇಗವಾಗಿ ಮತ್ತು ನಿಖರವಾಗಿ ಮಾಡಿದರು. ಬಾಲಕರ ತಕ್ಷಣದ ಲೆಕ್ಕಾಚಾರ ಸಾಮಥ್ರ್ಯ ಎಲ್ಲರ ಮೆಚ್ಚುಗೆಗೂ ಪಾತ್ರವಾಯಿತು. ಕೆಲವರು ಮೌಖಿಕ ಲೆಕ್ಕಾಚಾರ ಮಾನಸಿಕ ಸಾಮಥ್ರ್ಯದ ಮೂಲಕ ದಕ್ಷತೆಯನ್ನು ತೋರಿದರು.
ವೇದಿಕ ಗಣಿತದ ವಿಭಾಗದಲ್ಲಿ, ಭಾರತೀಯ ಪುರಾತನ ಗಣಿತ ವಿಧಾನಗಳನ್ನು ಬಳಸಿಕೊಂಡು ಗಟ್ಟಿಮೇಳದಂತೆ ಲೆಕ್ಕದ ತಂತ್ರಗಳನ್ನು ಪ್ರದರ್ಶಿಸಲಾಯಿತು. ವೇಗದ ಗುಣಾಕಾರ, ಚತುರ್ವರ್ಗ ಮೌಲ್ಯ, ಭಾಗಾಕಾರ ಹಾಗೂ ಸುಲಭ ಹಾದಿಗಳ ಮೂಲಕ ಲೆಕ್ಕ ಮಾಡುವ ವಿಧಾನಗಳು ಪ್ರಸ್ತುತಪಡಿಸಲ್ಪಟ್ಟವು. “ಉಧ್ರ್ವ ತಿರ್ಯಕ್ಬುಧ್ಯಃ”, “ನಿಕಿಲಂ ನವತಃ ಚರಮಂ ದಶತಃ” ಹೀಗೆ ಹಲವಾರು ವೇದಿಕ ಸೂತ್ರಗಳನ್ನು ಮಕ್ಕಳಿಗೆ ಪರಿಚಯಿಸಲಾಯಿತು.
ಸ್ಪರ್ಧಾತ್ಮಕ ಚಟುವಟಿಕೆಗಳ ಮೂಲಕ ಮಕ್ಕಳು ತಮ್ಮ ಕಲಿತ ಸಾಮಥ್ರ್ಯವನ್ನು ತೋರಿಸಿದರು. ವೇಗ ಹಾಗೂ ನಿಖರತೆಯಲ್ಲಿ ಅವರು ತೋರಿದ ನಿರ್ವಹಣೆ ಎಲ್ಲರ ಮೆಚ್ಚುಗೆಗೆ ಪಾತ್ರವಾಯಿತು.
ಕಾರ್ಯಕ್ರಮದಲ್ಲಿ ಅಂತಿಮವಾಗಿ ಶಾಲಾ ಪ್ರಾಚಾರ್ಯರು ಮಕ್ಕಳನ್ನು ಅಭಿನಂದಿಸಿ, ಈ ರೀತಿಯ ಕಾರ್ಯಕ್ರಮಗಳು ಅವರ ಭಾವಪೂರ್ಣ ವಿದ್ಯಾಭ್ಯಾಸಕ್ಕೆ ಸಾಕಷ್ಟು ನೆರವಾಗುವುದೆಂದು ಹೇಳಿದರು.
ಈ ಪ್ರದರ್ಶನವು ಮಕ್ಕಳಿಗೆ ಗಣಿತವನ್ನು ಭಾವಿಸುವ ಹೊಸ ದೃಷ್ಟಿಕೋನವನ್ನು ನೀಡಿದ್ದು, ಭವಿಷ್ಯದಲ್ಲಿ ಇಂತಹ ಶಿಕ್ಷಣಾತ್ಮಕ ಕಾರ್ಯಕ್ರಮಗಳು ಹೆಚ್ಚು ನಡೆಯಬೇಕೆಂಬ ನಿರೀಕ್ಷೆ ವ್ಯಕ್ತವಾಯಿತು. ವಿದ್ಯಾರ್ಥಿಗಳು ತಮ್ಮ ಕೈಯಿಂದ ಮಾಡಿದ ಸಾಧನ ಸಲಕರಣೆಗಳನ್ನು ಪ್ರದರ್ಶಸಿದರು.